Dr Dosti Regmi Blog

तिम्रो सौन्दर्य  र सुखानुभूतिले म मर्माहत भएको छु। काकाकुल घाँटीमा अमृतको पहिलो बुँद नै सर्केझैँ भएको छु। डा. दोस्ती रेग्मी (Clay sclupture : Martin Lutherius)

दु:खबाट पनि के भाग्नु? एउटा दु:खबाट भाग्नु भनेको अर्को दुःखमा ठोकिनु न हो। डा. दोस्ती रेग्मी (Painting inspired from the girl with pearl earring by Johannes Vermeer and repainted by Gurdish)

जिन्दगी अद्भुत छ। यसको बारेमा जे भनेपनी गलत हुनु नपर्ने सहुलियत छ। डा. दोस्ती रेग्मी। (Painting: Mona Lisa by Leonardo Da Vinci)

शून्यता  त्यसवर्ष सिल्भिया पदयात्राका लागि लाङटाङ पुगेर आउनुभएको  रहेछ । हरेक पदयात्रामा राजु दाइले  नै  उहाँलार्ई साथ दिनुहुन्थ्यो  । राजु दाइकै  फे सबुकबाट मै ले  सिल्भिया ने पालमै  भएको  थाहा पाएको  थिएँ ।  सिल्भियालाई भेट्न म बुढानीलकण्ठको  पार्क भिलेज रिसोर्टमा गएँ । उही हिउँजस्तो  सेतो  कपाल र आकाश जस्तो  निलो  आँखा ।  सिल्भिया बाल्को नीमा बसेर कफी खाँदै  हुनुहुन्थ्यो  । शिवपुरी डाँडा माथिबाट बादलका झुण्डहरू ओरालो  लाग्दै  थिए । बगैँचामा लोखर्के हरू कुदि®हे का थिए । धुपीका रुखहरू स्वागतका लागि नमस्ते  गरे झैँ ठिङ्ग उभिइरहेका थिए । घाममा बाँकी रुखहरूका पालुवा र पातहरू ऐना जस्तै  टल्किरहेका थिए । त्यहाँको वातावरणले  एउटा ताजगी चारै तिर छरिरहेको  थियो  । लागिरहेथ्यो , म शीत हुँ र त्यो  सम्पूर्ण माहोल र परिवेश बिहान हो  ।  म सिल्भियाको  नजिक पुग्ने बित्तिकै  उहाँले  उठेर मेरो लागि बस्ने  कुर्सी अलिकति मिलाइदिनुभयो  । ...

साथीले सोध्यो, तिमी रक्सी , चुरोट खान्छौ? मैले भनेँ- खाँदिन। उसले भन्यो- तिम्रो त कुनै आदतै रहेनछ। मैले भनेँ- आदत नराख्नु नै मेरो आदत हो नि। डा. दोस्ती रेग्मी। (Painting: "Jar of Addiction" by Gina Jrel)

  म धेरै चोटि रुँदा रुँदै हाँसेको छु; जिन्दगीको हल्का मजाकलाई बुझेको छु। डा. दोस्ती रेग्मी। #cheerfulness  ( Painting: Democritus - Laughing philosopher)

  तिमी जे सुकै भन, अन्तिम सत्य दुईवटा मात्रै हुन्छ। एउटा तिमीले बुझेको सत्य; अर्को तिमीले बुझ्न बाँकी सत्य, जुन तिमीले बुझेको भन्दा फरक छ। एउटा तिमीले देखेको सत्य; अर्को तिमीले देख्न बाँकी सत्य, जुन तिमीले देखेको भन्दा फरक छ। एउटा तिमीले बाँचेको सत्य; अर्को तिमीले बाँच्न बाँकी सत्य, जुन तिमीले बाँचेको भन्दा फरक छ। डा. दोस्ती रेग्मी। ( Painting : Two sides of a human coin ; By Sidharth Mohan)

म तिम्रै गुलाब र सुनाखरी फुलिरहेको हुन्छु। तिमी एक दिन पारिलो घाम लिएर आयौ, तिमी अर्को दिन शीतल छहारी लिएर आयौ; तिमी एक दिन चमेलीको सुबास लिएर आयौ, तिमी अर्को दिन रोजमेरीको बास्ना लिएर आयौ; तिमी एक दिन गुलाब लिएर आयौ, तिमी अर्को दिन सुनाखरी लिएर आयौ । तिमी आजभोलि भने आउनेजाने गर्नै छाड्यौ... तर पनि अचेल भरि म; तिम्रै यादको गहिराईमा नुहाईरहेको हुन्छु; तिम्रै चमेली र रोजमेरी बसाईरहेको हुन्छु; तिम्रै गुलाब र सुनाखरी फुलिरहेको हुन्छु। डा. दोस्ती रेग्मी।

मैले बुद्धलाई हौसाउँदै सोधेँ:  "अब अर्को जुनि नलिने?" बुद्धले बडो नमज्जा मान्दै भने : "भएको अलिकति बचपना र पागलपन पनि लिलाम भएपछि, अब जिउनुमा कुन रस रह्यो र ? "

सधैँ चालू रहने नाटक आज बन्द भएछ ; एक हुल मान्छे जम्मा भएपनि; आज रङ्गमञ्चको पर्दा जलेछ। डा. दोस्ती रेग्मी।

तिमीलाई तिमीसम्म पुर्याउन कुनै बाटो चहिन्छ र? एउटा स्वतन्त्र मान्छेले फेरि स्वतन्त्रता नै खोजे बन्धनमा पुग्दैन र? -डा दोस्ती रेग्मी (Painting : " Center Stage" by Deborah Nell)

  तिमी राम्रो र असल बन्ने कोशिस नगर्नु; बस् खुसी हुनु ! खुसी मान्छेबाट नराम्रो कहिल्यै हुँदैन । डा. दोस्ती रेग्मी।

  सत्यलाई पाउन गर्हो छ भन्छन् ; जे पाउन गर्हो छ, त्यो सत्य होइन। आफ्नो भ्रमलाई सत्य सबित गर्न खोज्नु पो गार्हो हो। भ्रमलाई हटाउन पो गार्हो हो। सत्य त सजिलो र सरल हो। डा. दोस्ती रेग्मी (Painting "The Truth" by Shivani Goel)

  म कोमल मान्छे होइन; म त्यो कठोर र क्रुर मान्छे हुँ, जसले कोमल हुने प्रयत्न गर्यो .... I am not a soft person; I am a harsh and ruthless person who chose to be soft. -Dosti Regmi (Painting: " I am a brutally soft woman" by Mays Almoosawi )

  अरुण थापाहरु त गाउँछन् - " बित्नलाई बितिदिन्छ , एकोहोरो जिन्दगानी ।" तर, जिन्दगी त्यति सस्तो पनि त होईन बिताउनको लागि, यहाँ पल पल रोकिइँनुपर्छ,  आफैँलाई कठ्घरामा राखेर आफैँलाई प्रश्न सोधिरहनुपर्छ। डा. दोस्ती रेग्मी ।

  जो सलल बग्छ त्यो साहित्य होइन; त्यो आदत हो। जसले शब्दशब्दमा तिमीलाई रोक्छ र सोच्न बाध्य बनाउँछ, त्यो साहित्य हो। -डा दोस्ती रेग्मी

  अचेल कोमल कुराहरुले त्यति छुँदैन मलाई; जिन्दगीका कठोर सुन्दरताहरुको अनुरागी जो बनेको छु। -डा दोस्ती रेग्मी। (Painting: Scene of the deluge, 1827 by Joseph Deseire)

ब्रह्मान्डसङ्ग सबै प्रश्नको उत्तर हुन्छ; तिमीले जे खोज्छौ, त्यही पाउँछौ। त्यसैले तिमीले कहिल्यै उत्तर नखोज्नु; बस् आफ्नो प्रश्न सुधार्नु। - डा. दोस्ती रेग्मी # जिनखोजातिनपाया ( Painting  : "The universe is my playground" by Dariusz Orszulik)

सडकमा रातो बत्ती बलिरहोस् झै लाग्छ; अनपेछित ठाउँमा विश्राम लिइराखौँ झैँ लाग्छ। यो मास्क नलगाउँ झैँ लग्छ; मास्क पछाडिको हँसिलो अनुहार नलुकाउँ झैँ लग्छ। - डा. दोस्ती रेग्मी

जंगली फुललाई कसैले रङ्ग पोत्नुपर्दैन; जंगली काँडालाई कसैले तिखार्नु पर्दैन। तिमी जे छौ, सहि छौ; राम्रो बानाउने निहुमा कसैले तिमीलाई नराम्रो बनाउनुपर्दैन। डा. दोस्ती रेग्मी #celebrateyourself

तिम्रो दु:ख दुनियाँलाई मजाक हुन्छ। तिमी गलत र दुनियाँ सहि पनि हुनसक्छ; एकै छिन आफ्नै दु:खमा हाँसेर हेर । दु:खले मुटुलाई  जलाएर , मनलाई डढाए पनि, आत्माको शीतल कायमै हुन सक्छ। दु:खको रोम जति जले पनि, निरो जसरी तिमीले पनि आफ्नो बसुरी बजाइरहनुपर्छ। डा. दोस्ती रेग्मी  

  हिजोको रक्सी आज तिम्रो औंलामा काँपिरहेछ; के भुल गर्यौ जसले तिमीलाई मन्दिर कुदाइरहेछ। के कोर्न सक्थ्यौ सलाइँको काँटी; हिजोको झरीले तिम्रो दियो निभाइसकेछ। - डा. दोस्ती रेग्मी । (Painting: " Drunk on love" by Alica Ciuciu)

 मन्दिर परिसरका देउताहरुलाई हेर्छु ।   डा. दोस्ती रेग्मी मन्दिर परिसरका देउताहरुलाई हेर्छु ।    देउताको पनि त दुस्मन हुँदो रहेछ; देउता दानव बध गरिरहेछन्। देउताको पनि त घरबार हुँदो रहेछ; अर्धाङिनीसङ्ग मायलु समय ब्यतीत गरिरहेछन् । देउता पनि त एक्लो हुदोरहेछ; धुम्धुम्ती ध्यानमा बसिरहेछन्। डा. दोस्ती रेग्मी

 सन्झनाको डोरी बाटेर, कल्पनाको पिर्का राखेर, सपनाको पिङ्ग मा जति मच्चिए पनि, आफुले टेक्नुपर्ने धर्ती पत्थर होइन मखमल बनाउनुपर्छ । - डा दोस्ती रेग्मी । (Painting acknowledgement :  "The swing" by Fragonard )

Man is a heap of finitude. He should be appreciated for how he deals with adversity not prosperity. He should be appreciated for how he deals with nothingness, scarcity, misery and loneliness rather than abundance, happiness and togetherness. Dr. Dosti Regmi

  उसले सोध्यो; "हजुरको शुभनाम के होला ? " मैले भनेँ ;  " थाहा छैन यो शुभ हो या अशुभ, मेरो त एउटै नाम छ - दोस्ती । " - डा दोस्ती रेग्मी

  आधी जिन्दगी अरुलाई सम्झिँदै बित्यो; आधी जिन्दगी आफुलाई बिर्सिँदै बित्यो; अब आफैंलाई सम्झिँदै छु । (सेल्फ रिमेम्बरेन्श) डा दोस्ती रेग्मी

तिमी यति कोमल भएर हिँड्यौ, यस्तो लाग्यो, त्यो पाउले यो छातिलाई टेकेर हिँडे पनि, मलाई सिमलको भुवाले छोए जस्तै हुनेछ । डा. दोस्ती रेग्मी

हरेक दिन नयाँ हुन्छ, त्यो दिनलाई पनि पुरानो सोच र तौरतरिकाले बाँच्नु  भनेको, हजारौँ सम्भावनालाई तिरस्कार गर्नु हो। डा. दोस्ती रेग्मी

  हरेक दिन नयाँ हुन्छ, नयाँ दिनमा आफ्नो नयाँ सोच र सार्थक कर्मको लाहा छाप ठोकेर अगाडि बढ्नुपर्छ । ताकि, पछाडि फर्केर त्यो दिनलाई हेर्दा सोच्न नपरोस्, खोइ त्यो दिन कस्ले बिताइदिएछ, खोइ त्यो दिन कसरी बितेछ । -डा. दोस्ती रेग्मी

परिवर्तन नै सत्य हो । स्टेबल त भ्रम हो । सबै भन्दा स्टेबल त कफिन भित्र को लास हुन्छ ।

Sartre says - The other is hell.  So I think the corollary is YOU are heaven.  Expecting from hell will land you in hell. Love yourself, dignify yourself. Your SEFF never let's you down because that alone is true. And truth sets you free.

  कविता र जिन्दगी ।   साथीले भन्यो - पहिले उपान्यास लेख्यौ, अहिले कविता लेख्न थालेछौ ।  मैले भनेँ -  उपन्यास ब्यायम हो ; कविता ध्यान हो । उसले भन्यो - कविता छोटो र गहिरो हुन्छ । मैले भनेँ -  जिन्दगी पनि छोटो र गहिरो हुन्छ । डा. दोस्ती रेग्मी   (Painting : The wanderer above the sea of fogs by Caspar David Friedrich)