पनौती - The strange misfortune
पनौती म खुसी हुनै सकिन मलाई पनौती परेको छ जति चाहेर पनि म खुसी हुनै सकिन ठुलेले ले घरबार गुमायो तैपनि ऊ खुसी छ उसले त्रिपालमुनि खुसी हुन पनि जानेको छ माइलाको जहान उसलाई छोडेर गई तैपनि ऊ खुसी छ उसले एक्लै खुसी हुन जानेको छ साइँलाको छोरो उसलाई ठ्याम्मै टेर्दैन तैपनि ऊ खुसी छ उसले कसैबाट केही पनि अपेक्षा नराख्न जानेको छ अन्तरेलाई साँझ बिहान छाक टार्नै मुस्किल छ ऊ त बडो भाग्यमानी छ भोलिको बारेमा उसलाई सोच्नै पर्दैन जन्तरेलाई राजनीतिले पोल्दै पोल्दैन ऊ खुसी छ किनकि न उसलाई समाचार पढ्नु छ न रेडियो सुन्नु छ भन्छौ नि तिमीसँग त घरबार आफ्नो आफन्त गाँस बास सबै छ तैपनि तिमी किन खुसी छैनौ सब थोक भएर पनि म खुसी छैन खै के हो के हो मलाई यस्तै पनौती परेको छ